القاهرة - المغرب اليوم
المكونات :
عيش شامى
لحمة مفرومة او قطع صغيرة
فلفل رومى مفروم
بصل مفروم
ذرة مسلوق
اى خضار تفضليه
زيت
ملح
فلفل
ريحان
شطه (لو حد بيحبها)
جبنة رومى او بارميزان متقطعة قطع صغيرة
طريقة عمل ساندوتش لحمة بالخضار :
أول حاجة تفتحى العيش الشامى، وتحطية فى شنطة علشان ما ينشفش.
بعد كده تجيبى طاسة وتحطى فيها زيت وعلى النار وتبتدى تشوحى كل المكونات اللى عندك، وتضيفى عليها كل التوابل.
واول ما كل اللى فى الطاسة ياخد لون كدة ، تهدى النار على الاخر.
بعد كده ترشى عليها قطع الجبنة من فوق، وهاتبدى تسيح فوقها.
وتبتدى تحشى العيش باللحمة وهى سخنة.
تقدميها سخنة مع مخلل وسلطة ممكن معاها بطاطس صوابع مقرمشة. وبالهنا والشفا.